Бул мыйзам долбоору Башкы прокуратура тарабынан сунушталган жана бир нече негизги өзгөртүүлөрдү камтыйт:
- жеке сот аткаруучулары институтун киргизүү;
- алимент төлөбөгөндөр үчүн жоопкерчиликти күчөтүү;
- соттун чечими боюнча гана эмес, сот аткаруучулары тарабынан да юридикалык жана жеке жактардын банк эсептеринде сакталган акча каражаттарына жана баалуу нерселерге камак салуу мүмкүнчүлүгү;
- каражаттарды жана баалуу нерселерди өндүрүү сот тарабынан да, жеке сот аткаруучулары тарабынан да аткаруу документтеринин негизинде жүргүзүлүшү мүмкүн;
- банктар банк сырын камтыган маалыматтарды сот аткаруучуларына жана жеке сот аткаруучуларына каражаттарды өндүрүү боюнча суроолорго жооп берүү үчүн берүүгө милдеттүү.
Депутат: "Банк сырын камтыган маалыматка жетүү тек гана соттун чечими боюнча берилүүгө тийиш" деп айтты.
Мындан тышкары, ал жеке сот аткаруучуларына алардын ишмердүүлүгүндө мыйзам бузгандыгы үчүн айып пул салуу мүмкүнчүлүгү боюнча сунушка тынчсыздануусун билдирди.
Анын айтымында, мыйзам долбоору мамлекеттик жана расмий тилдерде ар кандай авторлор тарабынан даярдалгандай таасир калтырат, анткени анда олуттуу техникалык каталар бар.
Башкы прокурордун орун басары Умуткан Конкубаева бардык сунуштардын кылдаттык менен каралаарын тастыктады.
