Жаңы регламент боюнча, авто мектебинде окууну ийгиликтүү аяктагандан жана квалификациялык экзамендерди тапшыргандан кийин, жарандар айдоочулук күбөлүктү төрт жумушчу күндүн ичинде ала алышат. Ошондой эле, укукту шашылыш берүү мүмкүнчүлүгү каралган: үч сааттын ичинде же бир-эки күндүн ичинде.
Документте процессинин ар бир этабы үчүн так убакыт ченемдери көрсөтүлгөн: документтерди кабыл алуу кезекти эске алуу менен — 30 мүнөт, жыйынтыкты даярдоо — 60 мүнөт, күбөлүктөрдү берүү — 30 мүнөт.
Онлайн-транспорт каражаттарын кайра каттоо үчүн кызмат 10 мүнөт ичинде жеткиликтүү болот.
Консулдуктар жана дипломатиялык өкүлчүлүктөр аркылуу кайрылган жарандар үчүн күбөлүктөрдү алуу мөөнөтү 90 күнгө чейин созулат.
Учурда бул долбоор талкууланууда жана 10-апрелде тиешелүү мамлекеттик органдарга сунушталат. Долбоордо кызматтардын баасы Антимонопольдук кызмат менен макулдашууга муктаж.
Түшүндүрмө катка ылайык, бул жаңылыктардын негизги максаты — мамлекеттик кызматтардын сапатын жакшыртуу, кезектерди кыскартуу жана жарандар менен чет элдик резиденттер үчүн укук алуу процессин ыңгайлуу кылуу.
