Ведомствонун маалыматына ылайык, акыркы жумада ооруга чалдыккандардын саны өткөн көрсөткүчтөр менен салыштырганда 28,8 пайызга өскөн.
Бардык ооругандардын 76,7 пайызы 14 жашка чейинки балдар. Ооруканага жаткырылгандардын үлүшү жалпы ооругандардын 17,4 пайызын түзөт, бул болжол менен 2,7 миң учурду билдирет.
Оорулуулук Бишкек жана Ош шаарларында, ошондой эле Баткен, Чүй жана Талас облустарында республикалык орточо көрсөткүчтөрдөн кыйла жогору.
2025-жылдын октябрынан бери өлкөдө негизинен A типтеги грипп таралууда, ошондой эле B типтеги грипп жана COVID-19 учурлары кездешүүдө.
ОРВИ жараткан вирустар арасында аденовирустар, риновирустар жана парагрипптер эң кеңири таралган.
