Жаңы мыйзамга ылайык, медицина жана фармацевтика тармагында программаларды сунуштаган бардык билим берүү мекемелери милдеттүү мамлекеттик аккредитациядан өтүүгө тийиш. Бул процесстен өтпөгөн мекемелер студенттерди кабыл алууга жана мамлекеттик үлгүдөгү дипломдорду берүүгө укугунан ажыратылат. Медициналык жана фармацевтикалык билим берүүнү лицензиялоо полномочиялары эми атайын мамлекеттик органга өткөрүлдү.
Мындан тышкары, мыйзам билим берүү франшизасы концепциясын киргизет. Бул жеке медициналык окуу жайлары аккредитация алган соң, мамлекеттик билим берүү уюмдары менен келишимдер түзүшү керектигин билдирет. Мамлекеттик уюмдар окуу программаларын, методикалык материалдарды сунуштап, академиялык башкарууну жүргүзүшөт.
Илим тармагына да өзгөртүүлөр киргизилди.
Медициналык изилдөөлөр менен алектенген илимий уюмдар мамлекеттик аккредитациядан өткөндөн кийин гана иштей алышат. Медициналык жана фармацевтикалык адистерди даярдоонун сапатына көзөмөл күчөтүлөт: мониторинг жана көзөмөл саламаттык сактоо министрлиги тарабынан жүргүзүлөт.
Мыйзам интернатура жана ординатурага болгон талаптарды, ошондой эле жеке медициналык мекемелердин материалдык-техникалык базасынын шарттарын жана кадрларды даярдоону жөнгө салган мамлекеттик органдардын полномочияларын тактайт.
Министрлер кабинети үч айдын ичинде өзүнүн нормативдик актыларын жаңы талаптарга ылайыкташтырууга тийиш.
