Депутаттардын мамлекеттик лабораторияларды түзүү, кызматтар жана анализдердин баалары жеке клиникалардан төмөн болушу тууралуу суроолоруна жооп берип, ал бул багытта иштер жүрүп жатканын белгиледи.
Маткеримовдун айтымында, министрлик ири шаарларда жана облустук борборлордо мамлекеттик лабораторияларды курууну пландаштырууда. Бул демилгени негизги максаты жеке медициналык мекемелер менен атаандаштыкты жаратуу жана калк үчүн медициналык кызматтарды жеткиликтүү кылуу. Азыркы учурда кээ бир мамлекеттик мекемелерде кымбат баалуу жабдуулар бар, бирок аларда аткарылган кызматтардын саны аз, бул болсо анын каржылык жактан чыгымдуу болушуна алып келет, айрыкча адистердин жетишсиздиги шартында.
«Биз шаарларда борборлоштурулган мамлекеттик лабораторияларды түзүүгө аракет кылып жатабыз. Медициналык камсыздандырылган жарандар үчүн кызматтар акысыз берилет, ал эми камсыздандырылбаган жарандар үчүн жеке клиникалардан төмөн баада кызматтар көрсөтүлөт», — деп кошумчалады министрдин орун басары.
