Монголиянын ТИМинин сүрөтү
Монголиянын ТИМинен алынган маалыматка ылайык, Батцэцэг жолугушуу учурунда Артыкбаевге эки өлкө ортосундагы мамилелерди өнүктүрүүгө кошкон маанилүү салымы үчүн ыраазычылык билдирди. Ал, Кыргызстандын Монголиядагы биринчи элчиси катары, эки тараптуу кызматташтыкты бекемдөөгө жана мамлекеттер аралык мамилелерди «бардык тараптарды камтыган өнөктөштүк» деңгээлине көтөрүүгө маанилүү роль ойногонун белгиледи.
Анын эмгегин тааныгандык белгиси катары министр Айбек Артыкбаевге «Алтан гэрэгэ» ардак наамын тапшырды жана келечектеги иш-аракеттеринде ийгилик каалады.
Айбек Артыкбаев, өз кезегинде, Монголия өкмөтүнө, Тышкы иштер министрлигине жана Монголия элине кызматташуусундагы колдоосу жана жылуу мамилеси үчүн ыраазычылык билдирди.
Эскерте кетсек, Монголия менен Кыргызстан ортосундагы дипломатиялык мамилелер 1992-жылдын 22-апрелинде түзүлгөн. 2025-жылдан баштап өлкөлөр «бардык тараптарды камтыган өнөктөштүк» форматы боюнча кызматташтыкты өнүктүрүүнү пландаштырууда.
