Прокуратура бул жыйын райондук администрациянын жыйындар залында өткөнүн билдирди.
«Райондун аймагында үй-бүлөлүк зомбулуктун жана балдарга зомбулуктун алдын алуу боюнча чаралар күчөтүлүүдө. Жыйында укук бузуулардын алдын алуу, жабыркагандарды коргоо жана балдарга жана үй-бүлөлөргө кооптуу кырдаалдарда жардам көрсөтүү боюнча чаралар да талкууланды», — деп кошумчалашты прокуратурадан.
Жыйындын натыйжасында прокуратура кризис борборун ачуу, ошондой эле укук бузуулардын алдын алуу борборлорун ачуу жана алардын финансирлөөсү боюнча маселелерди тез арада чечүүгө чакырды.
Мындан тышкары, үй-бүлөлүк зомбулукту жасаган адамдар үчүн жүрүм-турумду оңдоо программаларын ишке ашыруу, көйгөйлүү аймактарда жана билим берүү мекемелеринин айланасында видеокөзөмөл орнотуу, ошондой эле укук коргоо органдары менен биргеликте туруктуу рейддер өткөрүү зарылдыгы талкууланды.
Бардык тиешелүү мамлекеттик органдар профилактикалык иштерди күчөтүү жана кабыл алынган чечимдердин толук жана убагында аткарылышын камсыз кылуу боюнча тапшырмаларды алышты», — деп билдиришти прокуратурадан.
Райондун акими Ниязбек Козуев кризис борборун ачуу үчүн зарыл чаралар көрүлүп жатканын белгиледи.
