Тышкы иштер министрлигинин маалымат кызматы билдиргендей, Кулубаев Андорра, Габон, Гайана, Гватемала, Гвинея-Бисау, Намибия, Сент-Китс жана Невис, Чад жана Түштүк Судан өлкөлөрүнүн элчилерине өлкөдөгү учурдагы социалдык-экономикалык реформалар, ошондой эле Кыргызстан 2026-жылы өткөрө турган маанилүү эл аралык иш-чаралар, анын ичинде ШОС саммити жана VI Дүйнөлүк көчмөндөр оюндары тууралуу айтып берди.
Министр, Бириккен Улуттар Уюму менен кызматташтык Кыргызстандын үчүн маанилүү экенин, бул уюмдун өлкөнүн тышкы саясий стратегиясындагы борбордук ролун белгиледи. Сүйлөшүү учурунда Кыргызстандын эл аралык демилгелери жана башка мамлекеттер менен, БУУ мүчөлөрү менен өз ара аракеттенүүсү да талкууланды.
Туруктуу өкүлдөр Кыргызстандын глобалдык демилгелерди илгерилетүүдөгү аракеттерин жогору баалап, климаттын өзгөрүшү, тоо маселелери, биологиялык ар түрдүүлүктү сактоо жана туруктуу өнүгүү, ошондой эле тынчтык жана коопсуздукту камсыз кылуу боюнча маселелерди белгилешти. Алар көп тараптуу жана эки тараптуу форматта кызматташтыкты тереңдетүүгө кызыктар экендиктерин билдиришти.
Мындан тышкары, тараптар актуалдуу эл аралык жана геосаясий маселелер, Борбордук Азиядагы кызматташтык жана башка глобалдык темалар боюнча пикир алмашышты.
Сапар учурунда чет элдик дипломаттар кышкы туризм объектилери менен таанышып, алдыңкы технологиялар боюнча тажрыйба алмашуу үчүн ар кандай мамлекеттик мекемелерди зыярат кылышты, ошондой эле Кыргызстандагы тарыхый-мәдени эстеликтерди жана БУУ үйүн көрүштү.
