Америкалык делегацияны көптөгөн катышуучулар түздү, анын ичинде АКШ жана Кыргызстан бизнес кеңеши, АКШнын Эл аралык өнүктүрүү финансылык корпорациясы (DFC), ошондой эле Невада университетинин өкүлдөрү жана Pfizer, GE Healthcare, Abbott жана Nasdaq сыяктуу алдыңкы компаниялар. Мындан тышкары, топтун курамына StoneX, All American Rail Group, TETHYS жана башка ири уюмдардын эксперттери кирди.
Инвестицияларды тартуу боюнча улуттук агенттиктин жетекчиси Равшанбек Сабиров визиттин стратегиялык маанисин белгилеп, учурдагы этап эки тараптуу өз ара аракеттенүүнүн жаңы деңгээли экенин айтты. Ал Кыргызстандын активдүү кызматташууга жана биргелешкен долбоорлорду ишке ашырууга даяр экенин билдирип, бизнес үчүн ачык шарттарды түзүү жана инвесторлорду колдоо мамлекеттик саясаттын негизги приоритеттери экенин баса белгиледи.
Переговорлордун жүрүшүндө америкалык тарап Кыргызстанга Борбордук Азиядагы долбоорлорду ишке ашыруу үчүн региондук платформа катары кызыгуусун растады. Тараптар инвестициялык, инфраструктуралык жана технологиялык инициативалар үчүн мүмкүнчүлүктөрдү талкуулашты.
Жолугушуулардын жыйынтыгында Инвестицияларды тартуу боюнча улуттук агенттик менен бир катар компаниялар арасында кызматташтык боюнча меморандумдарга кол коюлду, алардын ичинде:
NasdaqEquion GroupPangea-Global LLCMooney GroupStrategEastValmontConcrete Engine
Кол коюлган келишимдер тараптардын Кыргызстандын конкреттүү инвестициялык долбоорлорун ишке ашыруу үчүн узак мөөнөттүү өнөктөштүктү өнүктүрүү ниеттерин расмий түрдө тастыктап турат.
