Мамлекет башчысынын айтымында, учурда тиешелүү органдар тарабынан тергөө иштери жүргүзүлүүдө.
«Тергөө бул инициативанын масштабдары жана катышуучулардын саны жөнүндө түшүнүк берет. Мүмкүн, алардын саны азыр болжолдонгондон көбүрөөк болушу мүмкүн. Бирок мен так жоопту тергөө аяктаган соң гана бере алам», — деп баса белгиледи ал.
Президент ошондой эле Конституциялык сотко кайрылуунун себептерин жана анын негизги максатын комментарийлеп өттү.
«Мен коомдо пайда болгон күмөндөр жана талаштар мыйзамдуу жана так жол менен чечилиши керек деп ишенем. Кыргызстанда Конституцияга байланыштуу бардык маселелер боюнча акыркы юридикалык чечимди бере ала турган Конституциялык сот бар. Ошентип, бул маселе боюнча Конституциялык сотко кайрылуу туура жана логикалык кадам», — деп кошумчалады Жапаров.
Эске салсак, буга чейин коомдук ишмерлер жана чиновниктер тобу президент Садыр Жапаровго жана ЖК спикери Нурланбек Тургунбек уулуна өлкөнүн президентинин жаңы шайлоосун тез арада өткөрүү боюнча сунуш менен кайрылышкан.
Бул документ 75 адам тарабынан кол коюлган.
