Сүрөт: ЖМК. АКШ жана Латын Америка наркокартелдерге каршы биригүүдө
Анын айтымында, Мексика Батыш жарым шарында наркокартелдердин негизги иш-аракеттеринин борбору болуп саналат.
Трамп: «Мексиканын картелдери биздин региондо олуттуу зомбулук жана каос булагы болуп жатат. Биз улуттук коопсуздукту жана америкалык жарандардын коопсуздугун коргоо үчүн бардык мүмкүнчүлүктөрдү колдонобуз», — деди.
«Биз аларды толугу менен жоюшуубуз керек, анткени абал начарлап жатат. Картелдер өлкөнү фактически башкарууда», — деп кошумчалады ал.
Мексиканын президенти Клаудия Шейнбаум мурда АКШга мексиканын аймагында аскердик операцияларды жүргүзүүгө жол бербестигин белгилеген.
Флоридада бир катар латиноамерикалык өлкөлөрдүн лидерлери менен болгон жолугушууда Трамп: «Бүгүн биз кылмыштуу наркокартелдерге каршы жаңы коалиция түзүлгөнүн жарыялайбыз», — деди.
Ак үйдүн башчысы ошондой эле коалициянын катышуучулары наркосоодагерлерге каршы күрөшүү үчүн армияны колдонууга макул экенин баса белгиледи.
Журналисттер жолугушууда Колумбия, Бразилия жана Мексиканын өкүлдөрү жок экенин белгилешти. Дональд Трамп президент Шейнбаум АКШнын картелдерге каршы биргелешип күрөшүү сунуштарын четке какканын билдирди.
