Социалдык тармактагы баракчасында ал мыйзамга ылайык, тергөө изоляторлорунда кармалган адамдардын жакындары менен аптасына бир жолу 15 мүнөттүк телефон аркылуу сүйлөшүү укугу бар экенин белгиледи. Бирок, анын айтымында, бул укук практикада сакталбай жатат.
ГСИНдин басма сөз кызматы Карасартованын билдирүүлөрүнө жооп берип, анын айыптоолорун четке какты. Ведомстводо СИЗОго киргенде ар бир айыпталуучу укуктары, милдеттери жана күн тартиби менен таанышып, бул жазуу жүзүндө бекитилерин белгилешти.
Мындан тышкары, басма сөз кызматы айыпталуучулардын укуктары жана милдеттери тууралуу маалымат камералардын ичинде жайгаштырылган маалымат стенддеринде бар экенин кошумчалашты.
ГСИН өзүнүн иши учурдагы мыйзамдарга ылайык жүргүзүлүп жатканын жана сотто өз позициясын коргоого даяр экенин белгиледи.
