Транспорт каражаттарын текшерүү учурунда, алардын арасында Toyota Ipsum, Toyota Estima жана Chery Tiggo маркасындагы унаалар, рулда Кыргызстандын жарандары: К.Б. уулу (1973-ж.т.) жана М.Н. уулу (1993-ж.т.), ошондой эле Казакстандын жараны Ш.Е.Б. (1991-ж.т.) болгон, жүккө тиешелүү товар коштоочу документтердин жоктугу аныкталды.
Текшерүү процессинде косметикалык каражаттар, сантехника, Asus маркасындагы ноутбуктар жана башка буюмдарды камтыган товар партиясы табылды.
Аныкталган жүктүн алдын ала баасы 6 000 000 сомдон ашты.
Процесуалдык аракеттер аяктаган соң, бардык транспорт каражаттары, айдоочулар жана жүк тиешелүү мамлекеттик органдарга тергөө жана зарыл чараларды кабыл алуу үчүн өткөрүлдү.
Мамлекеттик чек ара кызматы тышкы экономикалык ишмердүүлүк катышуучуларын жана жарандарды товарларды чек арадан өткөрүүдө мыйзам талаптарын катуу сактоого чакырат, жүк документтери жок киргизилген учурда Кыргыз Республикасынын күчүндө болгон мыйзамдарга ылайык жоопкерчилик тартууну баса белгилейт.
