Жарандардын айтымында, өлгөн балыктар дарактардын негизинде топ-топ болуп жыйналган.
«Жаңы жагдайлар олуттуу кооптонууларды жаратат: жагымсыз жыт пайда болду, бул санитардык шарттарды бузат. Шаардык мэрия дароо чара көрүп, мыйзамды бузгандарды жоопко тартуусу керек», - деп белгилешти алар.
Токмок шаарынын муниципалдык менчик башкармалыгы бул жердин шаарга тиешеси жок экенин жана ал токой чарбасынын карамагында экенин билдирди.
«Биздин экологиячылар бул аймакка текшерүү жүргүзүү үчүн кире албайт, анткени бул токой чарбасынын жерлери. Алар өздөрү чара көрүшү керек», - деп билдирет ведомство.
