Сотто отургандардын арасында: Мамбетжунус Абылов, Айданбек Акматов, Нурлан Асанбеков, Акылбек Айтбаев, Азимбек Бекназаров, Марат Баязов, Эрлан Бекчоро уулу, Айбек Бузурманкулов, Атай Бейшенбек уулу, Равшан Жээнбеков, Гульнара Джурабаева, Чынгыз Капаров, Рита Карасартова, Жениш Молдокматов, Улукбек Маматаев, Темир Махмудов, Таалайбек Мадеминов, Клара Сооронкулова, Перизат Суранова, Асия Сасыкбаева, Илгиз Сарылдык уулу (Илгиз Шаменов) жана Шабдан Али.
Сот залында адвокаттар пикир алышып, айыпталуучулар акыркы сөздөрүн айтышты. Соттук коллегия чечим кабыл алуу үчүн кеңешүү бөлмөсүнө чыкты.
Эскерте кетсек, 2022-жылдын күзүндө Өзбекстан менен чек ара боюнча кол коюлган келишим саясий чырдын себеби болду. Кемпир-Абад суу сактагычы боюнча бул келишимге каршы чыккан активисттер 2022-жылдын октябрь айында кармалып, 278-беренеге ылайык "Жапырт башаламандык уюштуруу" боюнча айыпталды. Кээ бир кылмыш ишинин материалдары жашыруун болуп, адвокаттардын алар менен таанышууга мүмкүнчүлүгү болгон жок. Кийинчерээк, айыпталуучулардын айтымында, аларга 326-беренеге ылайык "Күч менен бийликти басып алуу" боюнча айып кошулду.
14-июнда сот актоочу өкүм чыгарган, бирок прокуратура бул өкүмдү жокко чыгарууну өтүнгөн.
Учурда иш экинчи инстанциядагы сотто каралууда.
