Талас облустук мамлекеттик архитектуралык-курулуш контролдоо департаментинин инспекторлору Айтматов районундагы Чон-Кара-Буура айылына жакын жайгашкан асфальт-бетон заводун аныкташты. Объекттин даярдык деңгээли 70%ды түзүп, завод ишин баштап кеткен.
Министрликтин сүрөтү. Таласдагы асфальт-бетон заводу катталбай курулган
Рейддин жыйынтыгы боюнча ОсОО «Гранит Транс Сервис» компаниясына айып пул салуу жөнүндө чечим чыгарылып, ошондой эле белгиленген тартипте каттоодон өтүү боюнча тапшырма берилди.
Талас облусундагы бардык курулуш объекттери боюнча рейддер туруктуу негизде жүргүзүлүп жатканын белгилеп өтүү керек.
Курулуш реестри — бул курулуш объекттерин, долбоорлоо жана подряддык уюмдарды, ошондой эле мыйзам талап кылган уруксат берүүчү жана долбоордук документтерди эсепке алуунун системасы.
