Талас облусунун мамлекеттик архитектуралык-курулуш контролдоо департаментинин инспекторлору тарабынан өткөрүлгөн рейд учурунда расмий реестрге катталбаган асфальтобетон заводу курулуп жатканы аныкталды.
Бул объект Чон-Кара-Буура айылындагы 78- контурада жайгашкан. Жумуштардын 70% аткарылганы белгилүү болуп, завод өз ишин баштап алган.
«Текшерүүнүн жыйынтыгы боюнча ОсОО «Гранит Транс Сервис» аттуу компанияга жазуу жүзүндө эскертүү берилди, учурда күчүндө болгон мыйзамдарга ылайык зарыл чаралар көрүлүүдө», - деп айтылат маалыматта.
Курулуш министрлиги курулуш менен алектенген бардык компаниялар жана жеке адамдарды мыйзам талаптарына, нормаларына жана эрежелерине так ылайык иш алып барууга чакырат.
Маалымат:
Кыргыз Республикасынын Юстиция министрлигинин маалыматына ылайык, ОсОО «Гранит Транс Сервис» компаниясы 2020-жылы катталган. Бул уюмдун негиздөөчүсү жана жетекчиси Айбек Султанмуратович Курманалиев.
