Оюн 1:0 эсебинде аяктады, ал эми жалгыз гол биринчи таймдын 40-мүнөтүндө пенальтиден киргизилди.
Бул беттеш Кыргызстандын курама командасынын жаңы башкы машыктыруучусу, хорват Роберт Просинечки үчүн биринчи болду.
«Каршылашыбыздын бир гана кооптуу мүнөздөгү учур болду. Пенальтинин берилүүсү талаштуу деп эсептейм, бирок эмне кылыш керек? Биз өз мүмкүнчүлүктөрүбүздү пайдаланууга тийиш болчубуз. Өкүнүчтүүсү, гол киргизе албадык, жана эсеп тактада. Жалпы оюндун жүрүшү жакшы болду, болгону биринчи 10-15 мүнөттө начар ойнодук, ал эми калган убакта оюнду көзөмөлдөп, учурларды жаратууга аракет кылдык», - деди Кичин «Кыргыз спорт ТВ» каналына берген интервьюсунда беттештен кийин.
Курама команданын капитаны жаңы машыктыруучу тууралуу да оюн билдирди.
«Жаңы машыктыруучу бизге топ аркылуу ойноп, оюнду көзөмөлдөөгө умтулуп жатат. Бирок 5 күн ичинде бир нерсени үйрөнүү кыйын. Мен келечекте анын методикасы жакшы жыйынтыктарды берет деп ишенем», - деп кошумчалады Кичин.
Кыргызстандыктар кийинки беттешин 28-мартта Мадагаскар командасына каршы өткөрөт.
