Бириккен Улуттар Уюму (БУУ) АКШнын бийлигинен, Трамп администрациясы кайсы убакта жана карызынын кандай бөлүгүн, дээрлик 4 миллиард долларды, төлөөнү пландап жаткандыгы тууралуу маалымат берүүнү сурады. Бул тууралуу Kazinform NBC Newsка шилтеме берип маалымдады.
Өткөн жумада БУУнун башкы катчысы Антониу Гутерриш уюмдун финансылык эрежелери кайра каралбаса же 193 мүчө мамлекеттин бардыгы өздөрүнүн салымдарын төлөбөсө, финансылык кризис болушу мүмкүн экендиги тууралуу эскертүү берди.
Маалыматтарга ылайык, АКШнын БУУнун туруктуу операциялык бюджети боюнча карызы 2,19 миллиард долларды түзөт, анын ичинде ушул жылы төлөнүшү керек болгон 767 миллион доллар бар. Ошондой эле, Америка Кошмо Штаттары БУУнун тынчтык операциялары үчүн бөлүнгөн өзгөчө бюджет боюнча 1,8 миллиард доллар карыздар, бул сумма дагы өсүүдө.
БУУдагы АКШнын өкүлдөрү Трамп администрациясы жакынкы жумада бул карыздын маанилүү бөлүгүн төлөөнү пландап жатканын тастыкташты, бирок так сумма азырынча аныкталган жок.
Гутерриш ошондой эле БУУнун мүчө мамлекеттерине жазган акыркы катында, ушул жылдын июлунда туруктуу операциялык бюджеттин каражаттары түгөнүп калышы мүмкүн экенин, бул уюмдун ишине олуттуу таасир этээрин белгиледи.
