Ибраимованын белгилөөсү боюнча, 2025-жылдын февралында Саламаттыкты сактоо министрлиги менен Билим берүү министрлиги ортосунда стоматологиялык оорулардын алдын алуу боюнча биргелешкен аракеттерди камтыган ведомстволор аралык буйрук кол коюлган.
Мектептердеги стоматологиялык кабинеттердин негизги багыты алдын алуу болуп саналат. Бул медициналык текшерүүлөрдү гана эмес, балдарга жана алардын ата-энелерине ооз гигиенасынын негиздерин, туура тамактанууну, ошондой эле дене тарбиясын жана зыяндуу адаттардан баш тартууну үйрөтүүнү да камтыйт.
Ибраимова үй-бүлөлүк салттар жана адаттар балдардын стоматологиялык ден соолугунда маанилүү роль ойнорун белгилеп, билим берүү системасы жана коомдук саламаттыкты сактоо менен биргеликте маселени комплекстүү чечүү зарылдыгын айтты.
Мектептерде стоматологиялык кабинеттерди ачуу менен катар, алдын алуу текшерүүлөрүн өткөрүү пландалууда. Бул үчүн клиникалык ординаторлор жана аспиранттарды камтыган атайын топтор түзүлүшү мүмкүн. Ошондой эле мектептер жана бала бакчалар бул стоматологиялык кабинеттерди график боюнча кеӊешүүгө мүмкүнчүлүк алышат.
