Улуттук онкология жана гематология борборунда 35 миңден ашык бейтап катталган, деп билдирди мекеменин директору Нурбек Букуев «Кабар» агенттигинин «Элден собол» программасында. Ар жылы борбордо 6,5 миңге чейин жаңы оору учурлары катталат. Кайгылы статистика көрсөткөндөй, бул бейтаптардын жарымынан көбү диагноз коюлган биринчи жылдын ичинде көз жумат.
Нурбек Букуевдин айтымында, жогорку өлүм-житимдин негизги себеби бейтаптардын медициналык жардамга кеч кайрылуусу болуп саналат. Көпчүлүк адамдар өздөрүндө онкологиялык оору бар экенин түшүнбөйт же текшерүүдөн качышат, бул ооруунун өнүгүшүнө алып келет. Учурда рак оорусунун төрт стадиясы айырмаланат жана 50% дан ашык бейтаптар 3-4 стадияда, абал критикалык болуп калган учурда консультацияга келишет. Мындай абалды Кыргызстанда гана эмес, дүйнө жүзүндө да байкоого болот. Дүйнөлүк масштабда жыл сайын 600 миңге жакын жаңы рак учурлары катталат, алардын болжол менен 350 миңи биринчи жылдын ичинде өлүм менен аяктайт.
