Кыргыз Республикасынын Саламаттык сактоо министрлигинин маалыматына ылайык, 2000-жылдан 2020-жылга чейин В гепатитине чалдыккандардын саны балдар арасында болжол менен 145 эсе азайган.
Бул жетишкендик профилактика тармагындагы адистер тарабынан 2002-жылы В гепатитине каршы вакцинация улуттук эмдөө календарына киргизилгени менен байланыштырылат. Учурда жаңы төрөлгөндөрдү иммунизациялоо республикалык бюджеттин эсебинен толук каржыланууда, ал эми бир жашка чейинки балдарды вакцинациялоодо Глобалдык вакцина жана иммунизация альянсынан (ГАВИ) жардам алынууда.
2022-жылдан тарта вакцинация программасы чоң кишилер үчүн да кеңейтилип, Роспотребнадзордун колдоосу менен жүргүзүлгөн пилоттук долбоордун алкагында Кыргызстан 350 000 доза вакцина жана 140 000 экспресс-тест алган. Башында программа Чүй облусунда жана Бишкекте ишке киргизилген, андан кийин өлкөнүн башка аймактарына кеңейтилип жатат.
2026-жылдын 1-февралына карата, Саламаттык сактоо министрлигинин маалыматы боюнча:
1 доза вакцинаны алган - 323 638 адам;
2 доза - 271 182 адам (83,8%);
3 доза - 195 092 адам (73,6%).
Ведомстводо бул чаралар чоң кишилер арасында жамааттык иммунитеттин деңгээлин жогорулатууга олуттуу жардам бергенин белгилешет.
