Долбоордун негизги максаты өлкөнүн азык-түлүк коопсуздугун камсыздоо болуп саналат. Баштапкы этапта долбоор Бишкек жана Чүй облусунда ишке ашырылат, ал эми ийгиликтүү аткарылган учурда, демилгени Кыргызстандагы башка региондорго жайылтуу пландалууда.
Чыналиев долбоорду ишке киргизүүгө 1,5 миллиард сомго чейин каржылоо каралганын белгиледи. Бул каражаттар эт мал чарбасы боюнча он өндүрүштүк чынжыр (кластер) түзүүгө жумшалат, ал эми ар бир чынжырга 150 миллион сомго чейин бөлүнүшү мүмкүн.
Долбоор малды семиртүүдөн даяр продукцияны сатууга чейин болгон өндүрүш циклын камтыйт. Ага семиртүү, жеңил кайра иштетүү, союу, муздатуу, таңгактоо жана этти сатуу этаптары кирет.
Долбоор кластердик ыкма боюнча ишке ашырылат, анда ар бир кластерде үч негизги чынжыр түзүлөт: өндүрүш, кайра иштетүү жана сатуу. Ошондой эле семиртүү үчүн мал импорттоо мүмкүнчүлүгү каралган, бирок бул аспект милдеттүү эмес.
Долбоорго катышуу үчүн ишкерлер биригип, функцияларды бөлүшүүсү керек. Мисалы, бир катышуучу семиртүүгө, экинчиси кайра иштетүүгө жана союуга, үчүнчүсү даяр продукцияны сатууга жооп бере алат.
Каржылоо мамлекеттик банктар аркылуу жүргүзүлөт, жана катышуучулар банктын талаптарына, анын ичинде кредиттик тарых жана кепилдик камсыздоо болушу керек. Чыналиев кластерлерге биригүүсүз каржылоо алуу кыйла кыйын болорун баса белгиледи.
