Транспорт министринин орун басары Бекназар Базаралиев капиталдык оңдоп-түзөө 120 км жолго пландаштырылганын билдирди. Ал иштин чындыгында 8-километрден башталганын белгилеп, оңдолчу бөлүктүн узундугу 112 км экенин айтты. «77–80 км дагы оңдолушу керек. Бизде эки подряддык уюм менен келишимдер түзүлгөн. Алгачкы асфальт катмары 2026-жылга чейин төшөлөт деп пландап жатабыз», — деди ал.
Мындан тышкары, депутат Баетов — Кош-Добо жолунун абалы тууралуу суроо берди. Министрдин орун басары бул гравий жол экенин жана ал да жумуштардын планына киргизилгенин түшүндүрдү. «Азыркы учурда мамлекеттик ишкана жумуштарды аткара алабы, жокпу, анализдеп жатабыз. Эгер ал мүмкүн болбосо, жеке подряддык компанияларды тартабыз», — деп белгиледи ал.
