Элчинин пикири боюнча, Кыргызстанга каршы санкциялар түрүндө көрсөтүлүп жаткан басым өлкөнүн ички иштерине кийлигилдөө болуп саналат. Ал ошондой эле мындай чектөөлөр республиканын экономикасына олуттуу терс кесепеттерди алып келиши мүмкүн экенин баса белгиледи.
Вакунов Бишкекте Европалык Союздун Кыргызстанга каршы 20-чы санкция пакети боюнча пландары тууралуу маалыматты чоң тынчсыздануу менен кабыл алышканын айтты. Мурда Европа жана АКШнын санкциялык тизмелерине Кыргызстандагы эки банк жана бир нече компаниялар киргизилген, бул Россияга киргизилген чектөөлөрдү айланып өтүүгө жардам бергени менен байланыштуу. Айрым европалык маалымат каражаттарына ылайык, кийинки санкция пакетинде Брюссель Кыргызстанга каршы чектөөлөрдү киргизүү мүмкүнчүлүгүн да карап жатат.
