Банктын аналитиктери регионду ийгиликтүү өнүктүрүү үчүн энергияны үнөмдөө жана суу ресурстарын башкаруу жаатында олуттуу жакшыртуулар керек экенин белгилешет. ЕАБРдин баамында, Борбордук Азия дүйнөдөгү климаттык өзгөрүүлөргө эң көп кабылган региондордун бири.
Подгузов 2028-жылга чейин суу жетишсиздигинин өсүшү күтүлүп жатканын, ал жылына 5тен 12 кубометрге чейин болушу мүмкүн экенин белгиледи.
Ал ошондой эле, региондогу эски инфраструктуранын кесепетинен суу ресурстарынын чоң бөлүгү жоголуп жатканын баса белгиледи.
«Ийгиликтүү натыйжаларга жетүү үчүн, биринчи кезекте, демографиялык өзгөрүүлөр, транспорттук көйгөйлөр жана суу менен камсыздоо сыяктуу регионго таасир эткен чакырыктарды чечүү керек. Бул үч аспект бири-бири менен тыгыз байланышта», — деди ЕАБРдин башчысы.
ЮНИСЕФтин маалыматына ылайык, 2025-жылга чейин Борбордук Азиянын калкы 84 миллионго жетет.
