И.Э. билдиргендей, айлык акысы 50 000–60 000 сомду түзгөнүнө карабастан, 2025-жылдын декабрь айындагы айлык акылар төлөнгөн жок. Бул боюнча Кыргыз Республикасынын Кылмыш кодексинин 209-беренесине ылайык алдамчылык белгилери боюнча кылмыш иши козголду.
Тергөөнүн жыйынтыгы боюнча, 1993-жылы туулган Г.А. 2024-жылдын октябрь айында субподрядчы катары «А.Г.Э.» компаниясынын ГЭС-1 жана ГЭС-2 объектилеринде бетон иштерин оозеки келишим боюнча аткарууга киришкен. Бир кубометр бетонду куюунун баасы 5 500 сомду түзгөн. Ишти жүргүзүү үчүн Г.А.нын жубайы Э.К.нын атына жеке ишкер катары катталган, ал ыйгарым укук берген документти даярдаган.
Ишке 200 сом саат үчүн төлөнгөн 100дөй жергиликтүү тургун катышкан. Бирок 2025-жылдын ноябрь айынан 8-декабрына чейин 25 жумушчунун айлык акылары төлөнгөн жок.
Тергөөнүн жыйынтыгы боюнча, белгиленген мезгил ичинде 7 200 кубометр бетон иштери жана башка курулуш иштеринин аткарылганы аныкталды. Г.А. «А.Г.Э.» компаниясынан алган жалпы сумма 43 446 878 сомду түзгөн, анын ичинен 3 115 000 сом салык катары төлөнгөн.
Кыргыз Республикасынын Кылмыш процессуалдык кодексинин 96-беренесине ылайык Г.А. кармалып, убактылуу кармоо жайына жайгаштырылды. Тергөөнүн иши уланууда.
