Саламаттык сактоо министрлигинин маалымат кызматына ылайык, төрөлүү үйү 1968-жылы курулган жана ошол убактан бери капиталдык иштер жүргүзүлгөн эмес; болгону косметикалык жаңылануулар мезгил-мезгили менен жүргүзүлүп турган. Капиталдык ремонттун иштерине 2025-жылдын июнь айында киришилген.
Капиталдык ремонт реанимация, боюнда бар аялдардын патологиясы, эне менен баланын биргелешип болушу, жаңы төрөлгөндөрдүн реанимациясы, төрөлүү жана кабыл алуу бөлүмдөрү, ошондой эле операциялык залдар жана клиникалык-лаборатордук бөлүмдү камтыган.
Жаңыланган стационарда борборлоштурулган кислород станциясы орнотулуп, жаңы операциялык залдар кошулуп, палаталарда бейтаптар үчүн ыңгайлуу шарттар түзүлгөн.
Имараттын инженердик системалары да модернизацияланган — канализация, суу камсыздоо, жылуулук, электр камсыздоо жаңыланган, ошондой эле чатыр жана фасадды оңдоо иштерин жүргүзүлгөн. Мындан тышкары, бейтаптарды коштогон жакындары үчүн күтүү залы уюштурулган.
Спонсордук инвестициялардын алкагында 3,8 миллион сомго аялдардын ыңгайлуулугу үчүн лифт орнотулган.
Капиталдык ремонтко жумшалган жалпы сумма 87 миллион сомду түзүп, Саламаттык сактоо министрлиги жана Мажбурлуу медициналык камсыздандыруу фонду тарабынан бөлүнгөн.
Ар жылы Ош облустук клиникалык ооруканасы 9-10 миң жаңы төрөлгөндү кабыл алат жана болжол менен 20 миң боюнда бар аялга медициналык жардам көрсөтөт.
Бул медициналык уюм акушер-гинекологдор үчүн окуу-методикалык борбордун функцияларын да аткарат.
