Текшерүү учурунда социалдык тармактардын колдонуучулары 19:00дөн кийин ушул маршрутта микроавтобустар жоктугуна байланыштуу арыздар менен кайрылып жатканы аныкталды, бул жүргүнчүлөрдү такси кызматтарына кайрылууга мажбур кылууда. Мониторинг жума жана ишемби күндөрү борбордон Токмокко бараткан адамдардын саны кадимки көлөмдөн кыйла ашып кеткенин көрсөттү.
Бул маселени чечүү үчүн 2-февралда № 350 жана 353 маршруттук линиялары боюнча ташууларды жүргүзгөн компаниялардын өкүлдөрү менен жыйын өткөрүлдү. Жыйында дем алыш күндөрү жүргүнчү агымынын көбөйүп жатканы белгиленди, бирок 20:00дөн кийин жүргүнчүлөрдүн саны кескин төмөндөп, айдоочулардын чыгымдарын жабуу кыйынчылыктарын жаратат.
Кеңешүүнүн натыйжасында рейстердин санын көбөйтүү жана жүргүнчүлөрдү үзгүлтүксүз ташууну камсыздоо зарылдыгы жөнүндө чечим кабыл алынды. Зарылчылык болсо, белгиленген расписаниедан тышкары кошумча резервдик микроавтобустар киргизилет жана рейстердин саны көбөйтүлөт.
