Ал тигүү цехтеринин калдыктарын күйгүзүү айлана-чөйрөгө олуттуу коркунуч туудураарын белгиледи.
«Табият министрлиги бул маселе менен активдүү алектенип жатат. Биз мониторинг үчүн дрондорду камтыган бардык зарыл жабдыктарды сатып алдык. Эгер кара түтүн байкалса, инспекторлор текшерүү жүргүзө алышат. Экологиялык инспекция мэрия жана милиция менен координацияда иш алып барат жана айып пулдарды салуу укугуна ээ», — деди чиновник.
Амангельдиев Токмокто жаңы кайра иштетүү фабрикасы кездемелерди кайрадан пайдаланууга мүмкүнчүлүк берерин, бул болсо алардын күйгүзүлүшүнө караганда экологиялык жактан коопсуз вариант экенин кошумчалады.
«Сырьёну кайра иштетүүгө берүү — бул жок кылуудан алда канча акылдуу кадам», — деп жыйынтыктады ал.
