Масктын айтымында, «SpaceX өз күчүн Айда өзүн-өзү камсыздай турган шаарды иштеп чыгууга багыттады, анткени биз бул 10 жылдан аз убакытта мүмкүн экенине ишенебиз. Ал эми Марста мындайды куруу үчүн 20 жылдан ашык убакыт талап кылынат», — деп жазган ал X платформасындагы билдирүүсүндө.
Маск ошондой эле Марска учуу терезелери ар 26 айда ачыларын, ал эми жолдо болуу убактысы болжол менен алты айды түзөөрүн баса белгиледи. Бул жагынан алганда, Айга саякаттарды ар 10 күн сайын уюштуруп, учуу болгону эки күндү алат. Бирок ал SpaceX Марста шаар долбоорун иштеп чыгууга болжол менен беш-жети жылдан кийин киришүүнү пландап жатканын кошумчалады.
