"Биз баарыбыз саясий кырдаалдагы өзгөрүүлөрдүн күбөсү болдук. Мага ар кандай пикирлер жана суроолор айтылды. Мен бир же эки адамга эмес, бүт кыргыз элине жана парламентке кызмат кылам деп баса белгилегим келет. Менин парламентке жана элге болгон берилгендигим өзгөрбөйт. Мен Жогорку Кенештин VII чакырылышындагы торага кызматын аркалап, өлкө үчүн маанилүү мыйзам долбоорлорун кабыл алууга өз салымымды коштум. Биз жетишкен саясий туруктуулук гүлдөп-өсүүгө өбөлгө түзөт. Биздин өлкө Садыр Жапаровдун жетекчилигиндеги команда жана кыргыз парламентине болгон ролу аркылуу өнүгүп жаткан экономикасы бар мамлекеттердин тизмесине кирди. Бардык маанилүү мыйзам долбоорлору жана чечимдер ушул жерде кабыл алынды. Бирок саясий маданиятты өнүктүрүү маанилүү.
Түшүнбөстүктөрдү жана шектенүүлөрдү болтурбоо үчүн, мен Жогорку Кенештин торага кызматынан кетүү чечимин өзүм кабыл алдым. Бул менин тандоом, жана эч ким мага басым кылган жок - мен күчтүү мүнөздөгү адаммын жана мындайга жол бермек эмесмин.Туруктуулук ийгилик үчүн зарыл шарт болуп саналат. Президент тарабынан башталган саясий реформалар ишке ашырылышы керек, жана биз саясий туруктуулукту сактап калууга тийишпиз. Ошондуктан мен мындай чечимди кабыл алдым", - деп кошумчалады ал.
