15-февралда, райондук мамлекеттик администрациянын, ардагерлер кеңешинин төрагасынын жана Шукурбек Бейшеналиев атындагы орто мектептин даярдык мугалими Шаршенбек Мурзабековдун демилгеси менен, Афганистандагы согуштун ардагерлерине арналган аскердик-мәдени иш-чара өттү. Бул иш-чарага ардагерлер гана эмес, жергиликтүү бийликтин өкүлдөрү, мекемелердин жетекчилери, айыл өкмөттөрдүн башчылары, ошондой эле мугалимдер жана окуучулар катышты.
Иш-чаранын алкагында ардагерлер Афганистанда жана Баткенде өмүрүн берген жоокерлердин эстелигине гүл чамбарларды коюп, андан соң дуба окулду. Андан кийин Шукурбек Бейшеналиев атындагы орто мектепте Мурзабеков тарабынан даярдалган аскердик-мәдени программа өттү. Окуучулар аскердик жүрүш жана автоматты ылдам чогултуу-ажыратуу боюнча өздөрүнүн жөндөмдөрүн көрсөтүштү, ошондой эле кичинекей концерт менен чыгышты.
Программадан кийин ардагерлерди район жетекчилиги жана коомчулуктун өкүлдөрү куттуктады. Ак-Тал райондук мамлекеттик администрациясы ардагерлер үчүн 20 миң сом бөлүп, ыраазычылык каттарын жана сыйлыктарды тапшырды. Айыл өкмөттөрдүн башчылары да ардагерлер үчүн 3 миңден 5 миң сомго чейин акчалай сыйлыктар даярдашты, ал эми алардын кээ бири аскер комиссариатынан сыйлыктар алышты.
Ак-Тал районунан Афганистанда 51 адам кызмат кылган, алардын ичинен бири каза болуп, 50 адам үйүнө аман-эсен кайтып келген. Андан кийин алган жаракаттарынан дагы 7 ардагер каза болду.
