Эльдар Сулайманов, 1985-жылдын 3-июлунда төрөлгөн, транспорт жана байланыш министри болгон Нурлан Сулаймановдун уулу. Ал мурда VII чакырылыштагы Жогорку Кеңеште «Ата-Журт Кыргызстан» саясий партиясын өкүлчүлүк кылган, VIII чакырылышта болсо Араван көпмандаттуу шайлоо округу № 5 (Жалал-Абад облусу) боюнча депутат болуп шайланган.
Бул жылдын башында Сулаймановдун аты медиа жана социалдык тармактарда мурдагы жубайы Асель Азаматова тарабынан үй-бүлөлүк зомбулук боюнча коюлган айыптоолор менен талкууланган. Ал мурдагы күйөөсүнөн зомбулукка кабылганын билдирген. Бишкек ШИИБи бул иш боюнча текшерүү жүргүзүлүп жатканын маалымдады. Депутат өзү айыптоолордун бир тараптуу экенин жана юридикалык баа берүүгө муктаж экенин билдирүүдө.
Мындан тышкары, саясий чөйрөлөрдө анын «75 кайрылуусуна» кол топтоо ишине катышуусу тууралуу маалымат талкууланууда.
