«Манас» эл аралык аэропортунда рейстердин графиги өзгөрбөй турганы такталды.
Ирандагы кырдаал боюнча көптөгөн суроолорго жооп катары, аэропорттун жетекчилиги бардык рейстер белгиленген график боюнча жүргүзүлүп жатканын тастыктады. Учурда учуу жана конуу боюнча эч кандай чектөөлөр жок. Аэропорт адаттагыдай режимде иштеп жатат, бардык кызматтар жүргүнчүлөрдүн жана учуулардын коопсуздугун камсыздоо үчүн тартылган.
«Кыргызстан аэропорттору» акционердик коомунун жетекчилиги эл аралык кырдаалды байкап, авиация органдары жана авиакомпаниялар менен байланышта болууну улантууда.
«Эгер кандайдыр бир өзгөрүүлөр болсо, жүргүнчүлөр дароо расмий каналдар аркылуу маалымдалат», - деп билдиришти аэропорттон.
