Алгач, жаңы өзгөчө кырдаалдар министри Урматбек Шамырканов МЧС кызматкерлерине тааныштырылды. Адылбек Касымалиев анын дайындалышы учурдагы чакырыктар жана коркунучтар шартында бул тармакта чоң тажрыйбасы бар экендигин белгиледи.
Андан кийин Касымалиев Табигый ресурстар, экология жана техникалык көзөмөл министрлигине барып, жаңы министрдин милдетин аткаруучу Акыл Токтобаевди тааныштырды. Ал бул дайындоо өлкө жетекчилигинин жогорку ишенимин билдирет деп белгилеп, Токтобаевдин кесиптик тажрыйбасы жана башкаруу жөндөмдөрү аркылуу ведомствонун көптөгөн милдеттерин аткарарына ишеним билдирди.
Андан соң өкмөт башчысы Транспорт жана байланыш министрлигине барып, кызматкерлерди министрдин милдетин аткаруучу Талантбек Солтобаев менен тааныштырды. Ал жаңы жетекчинин алдында транспорт инфраструктурасын өнүктүрүү, логистикалык жана байланыш кызматтарынын сапатын жакшыртуу, ошондой эле өлкөнүн социалдык-экономикалык прогресси үчүн стратегиялык долбоорлорду ишке ашыруу сыяктуу маанилүү милдеттер турганын белгиледи.
Бардык сунушталган министрлердин кандидатуралары Жогорку Кеңеште талкууланып, макулдашылат.
