Кыргыз Республикасынын тышкы иштер министри Жээнбек Кулубаев катышуучулар менен өлкөдөгү учурдагы социалдык-экономикалык абал тууралуу маалымат бөлүшүп, анын туруктуу экономикалык өсүшүн баса белгиледи.
Жээнбек Кулубаев Британия менен мамилелерди өнүктүрүүнүн маанилүүлүгүн белгилеп, кызматташтык консалтинг, өндүрүш, табигый ресурстарды иштетүү, банктын иши жана еврооблигацияларды чыгаруу сыяктуу тармактарды камтый турганын айтты.
Жыйындын жүрүшүндө кыргыз тарап келечектеги өз ара аракеттенүү үчүн негизги тармактарды белгилеп, энергетика, транспорт, логистика, маалыматтык технологиялар, айыл чарба жана туризм, ошондой эле заманбап тоо-шаңгы курортторун долбоорлоо боюнча сунуштарды киргизди.
Жыйындын жыйынтыгы боюнча британ компанияларынын катышуучулары кыргыз тараптын узак мөөнөттүү өнөктөштүккө ачык экенин жана даярдыгын белгилешти. Алар ошондой эле Кыргызстанды башка эл аралык компанияларга инвестиция үчүн ишенимдүү жана келечектүү рынок катары сунуштоо ниетин билдиришти.
