Сунуштун түшүндүрмө жазуусунда документтин максаты — чыгарылган айылдарда туруктуу жашаган жана иштеген адамдар үчүн социалдык колдоо жана кепилдиктерди берүү тартибин белгилөө. Бул бийик тоолуу айылдардын тизмесинен бир нече айылдардын чыгарылышынан кийин жаңы социалдык-экономикалык шарттарга өтүүнү жеңилдетүүгө жардам берет.
"Айылдарды инвентаризациялоодо кээ бирлерин чыгаруу зарылдыгы пайда болду. Натыйжада бийик тоолуу критерийлерине жооп бербеген 34 айыл чыгарууга чечим кабыл алынды. 1997-жылдан бери бул айылдардын тургундары жана кызматкерлери белгиленген коэффициенттерге ылайык социалдык жардамдар жана эмгек акысына кошумча төлөмдөрдү алышат", — деп жазылган документте.
Тургундардын жашоо шарттарынын кескин начарлашын алдын алуу жана социалдык адилеттүүлүк принциптерин колдоо үчүн жобо боюнча убактылуу шарттар каралган. Бул шарттардын күчүндө турган учурда, чыгарылган айылдарда туруктуу жашаган жана иштеген жарандардын кошумча төлөмдөрдү жана коэффициенттерди алуу укугу сакталат. Жобонун текстинин өзү азырынча таанышууга жеткиликтүү эмес.
Актуалдуу бийик тоолуу айылдардын жана жогору коэффициенттердин тизмеси менен бул жерден таанышууга болот.
