Текшерүү учурунда Жалал-Абад облустук клиникалык ооруканасы (Манас), Базар-Коргондун аймактык ооруканасы жана Кочкор-Ата аймагында жайгашкан 32 административдик имарат жана беш жер тилкеси жеке менчикке өткөрүлгөн же узак мөөнөттүү ижарага берилгендиги аныкталды. Бул объектилер медициналык борборлор, дарыканалар жана коомдук тамактануу жайлары сыяктуу коммерциялык ишмердүүлүк үчүн пайдаланылган.
Бул объектилер мыйзамсыз пайдаланылган учурда бюджетке түшкөн ижара төлөмдөрү кыйла төмөн болгон. Бирок, алар мамлекеттик менчикке кайтарылган соң, ижара шарттары кайра каралып, ижара төлөмдөрүнүн көлөмү бир нече эсе көбөйгөн.
Жүргүзүлгөн тергөө-оперативдик иш-чаралардын натыйжасында объектилер жана жер тилкелери мамлекеттик менчикке кайтарылды.
