Оперативдик иш-чаралардын натыйжасында Манас шаарындагы Жалал-Абад облустук клиникалык ооруканасынын, Базар-Коргон жана Кочкор-Ата ооруканаларынын аймагында жайгашкан 32 административдик имарат жана 5 жер участогу мыйзамсыз өткөрүлгөндүгү аныкталды. Бул имараттар коммерциялык максаттарда, анын ичинде жеке медициналык борборлордун, дарыканалардын, соода түйүндөрдүн жана коомдук тамактануу мекемелеринин иши үчүн пайдаланылган.
МУКК президенттин 1995-жылдын 16-февралыындагы № 37 Жарлыгына ылайык, социалдык инфраструктура объекттери приватизациялоого жатпарын баса белгилейт. Ошондой эле, Жер кодексинин 44-беренесине ылайык, имараттар жана курулуштар аларга байланышкан жер участогунун укуктарынан бөлүнгүс болуп саналат.
Жүргүзүлгөн териштирүү бул объекттерди мыйзамсыз пайдалануу процессинде ижара төлөмдөрү кыйла төмөндөтүлгөндүгүн, бул мамлекет үчүн олуттуу чыгымдарга алып келгенин көрсөттү. Мүлктү мамлекеттик менчикке кайтаргандан кийин ижара шарттары кайра каралып, бюджетке түшүүлөрдү кыйла көбөйтүүгө мүмкүнчүлүк берди.
Бардык мыйзамсыз өткөрүлгөн имараттар жана жер участогун мамлекеттик менчикке кайтарылды. Бул иш боюнча териштирүү уланууда.
