Ачыкталган маалыматтар NASAнын Кеплер космостук телескопу тарабынан 2017-жылы жыйналган K2 миссиясынын алкагында алынган. Изилдөөлөр экзопланета Жерден болгону 6% чоң экенин, анын жылы 355 күнгө созуларын көрсөткөн. Укумуштуулар HD 137010 b планетасынын "өмүр сүрүү зонасында" болушу 50% мүмкүн экенин баалашууда. Бул зонада суу суюк абалда болушу мүмкүн.
Бирок, Жер менен кээ бир окшоштуктарына карабастан, бул планетадагы климат кыйла катуу болушу мүмкүн. Ал айланып жаткан жылдыз биздин Күнгө окшош, бирок ал суук жана жанып турган жарыгы азыраак.
Изилдөөчүлөр HD 137010 b планетасынын бетиндеги температура, мүмкүн, Марс планетасынын температурасына жакын болуп, -70 градус Цельсийден төмөн болушу мүмкүн экенин эскертет.
Суинберн Технологиялык университетинин доктору Сара Уэбб планетада көп сандагы суу болушу мүмкүн экенин, бирок анын көбү, мүмкүн, тоңуп калган абалда экенин болжолдойт.
Түштүк Квинсленд университетинин доктору Челси Хуанг бул ачылыштын маанилүүлүгүн белгилеп, жылдыздын жакындыгы жана жарыктыгы тууралуу айтып өттү, ал Жерден болгону 150 жарык жылдык аралыкта жайгашкан. Муну менен салыштырганда, мурда белгилүү болгон эң жакын экзопланета Kepler-186f төрт эсе алыс жана анын жылдызы дээрлик 20 эсе азыраак жарык берет. Бул келечекте планетаны тереңирээк изилдөөгө мүмкүнчүлүк берет, анткени кийинки муундагы телескоптор анын атмосферасын жана бетиндеги шарттарды изилдөөгө жакындык жана жарыктык аркылуу мүмкүнчүлүк алышат.
