Бишкекте Улуттук оорукананын базасында референс-лаборатория түзүү боюнча демилге ишке ашырылууда. Бул тууралуу Кыргыз Республикасынын Саламаттык сактоо министрлиги маалымдады.
Эскерте кетсек, кечээ Саламаттык сактоо министри Дамирбек Осмонов Улуттук оорукананы зыярат кылып, анын иши менен таанышкан.
Башкы дарыгер Бакыт Тологоновдун билдирүүсүнө караганда, лаборатория жайгашкан имаратта учурда оңдоо иштеринин жүрүп жатканы айтылды. Аларды бүтүрүү апрель айынын аягына пландалган. Андан кийин зарыл болгон жабдууларды орнотуу, кызматкерлерди окутуу жана лабораторияны толук ишке киргизүү пландалууда.
Бул долбоор Азия өнүктүрүү банкынын колдоосу менен ишке ашырылууда жана шаардагы стационарлар үчүн борборлоштурулган лабораториялык базаны түзүүнү камтыйт. Улуттук оорукананын лабораториялык изилдөөлөрдү борборлоштуруп жүргүзөрү күтүлүүдө, бул диагноздун сапатын жогорулатат жана изилдөө ишинин бирдиктүү стандарттарын киргизет.
Долбоор бир жылдан бери ишке ашырылып жатат.
