2021-жылдан 2024-жылга чейин байкалаарлык өсүү болуп жатат: экспорт эки эсе көбөйдү, ал эми импорт болжол менен 50% га өстү. Ал 2024-жылы ЕС өлкөлөрүнүн Кыргызстандын тышкы соодасындагы үлүшү 30% дан ашып кеткенин, ошол эле учурда ЕСтин экспорт структурасындагы үлүшү 40% ды түзгөнүн баса белгиледи.
2024-жылы өз ара сооданын жалпы көлөмү $5,5 миллиардга жетип, 2023-жылга салыштырганда 20% га өстү. Экспорт $1,7 миллиардды түзүп, 20% га көбөйдү, ал эми импорт $3,8 миллиардды түзүп, болжол менен 15% га өстү.
Министрликтин маалыматына ылайык, 2025-жылдын 11 айында ЕС менен өз ара соода болжол менен $4,9 миллиардды түзүп, өткөн жылдын ушул мезгилине салыштырганда 1,3% га өстү. Экспорт $1 миллиарддан ашып, импорт $3,9 миллиардга жетип, 17,7% га көбөйдү.
Турдукожоева Кыргызстан ЕС өлкөлөрүнө негизинен сүт азыктары, жашылчалар жана жемиштер, кургатылган жемиштер, кийимдер жана аксессуарлар, айнек буюмдар жана башка товарларды экспорттой турганын кошумчалады. Ошол эле учурда ЕСтен Кыргызстанга мунай продуктулары, өндүрүш үчүн сырьё жана аралык товарлар, анын ичинде көмүр, газ, буудай, ун, өсүмдүк майы, кант, жыгач, кагаз жана картон, кара металлдар жана курулуш материалдары, ошондой эле унаалар жана химия өнөр жайынын продукциясы импорттолууда.
