Документ катышуучу өлкөлөргө кол коюудан мурун ички процедураларды аяктоо үчүн жөнөтүлдү. Келишимдин негизги максаты ЕАЭБдин ички рынокунда электрондук сооданы жүргүзүү үчүн бирдиктүү эрежелерди түзүү болуп саналат.
«Бул чоң иш электрондук соода тармагында товарлардын эркин кыймылына тоскоол болушу мүмкүн болгон ар кандай кыйынчылыктардын пайда болуу коркунучун минималдаштырууга багытталган», — деди ЕЭКнын соода министри Андрей Слепнев.
Анын айтымында, бул бизнес үчүн Союздун бардык аймагында бирдиктүү, алдын ала болжолдонгон жана ачык жөнгө салууну түзүүгө алып келет. Бул ошондой эле электрондук документ жүгүртүүнү пайдалануу мүмкүнчүлүктөрүн ачат, административдик тоскоолдуктарды жана каржылык чыгымдарды азайтат.
Эгерде керектөөчүлөр тууралуу айтсак, алар өз укуктарын коргоо боюнча бирдиктүү стандарттарды күтүшү мүмкүн, бул стандарттар традициялык соодада колдонулгандан төмөн болбойт, ошондой эле маалыматтык коопсуздукту, жеке маалыматтарды коргоону жана спамды чектөөнү камсыз кылат.
