Козубеков дүйнөлүк рыноктордун жогору волатильдүүлүк менен мүнөздөлгөнүн, ал эми жылдын биринчи жарымында азык-түлүк бааларынын өсүшү байкалганын белгиледи.
Анткен менен, жылдын аягына чейин баалардын өсүшүнүн жайлашы байкалганын Улуттук банктын орун басары билдирди.
«Азыр биз азык-түлүк товарларынын дүйнөлүк бааларындагы өзгөрүүлөрдү чагылдырган ФАО индексинин акырындык менен төмөндөп жатканын көрүп жатабыз», - деп кошумчалады ал.
Ошондой эле Козубеков глобалдык соодадагы өзгөрүүлөрдү, ошондой эле улантылып жаткан геосаясий белгисиздикти баса белгиледи.
«2025-жылы дүйнөлүк соода жана соода саясатынын эрежелеринде өзгөрүүлөр болду. Бул жогору геосаясий белгисиздик менен коштолуп, дүйнөлүк сооданын фрагментациясын күчөтүүгө жана регионалдык соода агымдарын өзгөртүүгө алып келди», - деп түшүндүрдү ал.
Башка нерселер менен катар, логистикалык чыгымдардын жогорулашы да инфляцияга таасир эткенин Козубеков белгиледи.
Мындан тышкары, ал Кыргызстан үчүн негизги соода өнөктөштөр болгон өлкөлөрдөгү абалга көңүл бурду.
«Бул өлкөлөрдүн бир нече жерде инфляция деңгээли акыркы жылдар бою жогору болуп, бул импорттолгон товарлардын бааларынын өсүшүнө алып келди», - деп кошумчалады ал.
Маалымат үчүн:
2025-жылдын жыйынтыгы боюнча инфляция 9,4% түздү, Улуттук статистика комитетинин маалыматына ылайык.
Малматтар боюнча, 2026-жылы Кыргыз Республикасында жылдык инфляция оптимисттик сценарийде 11% жетиши мүмкүн.
