Муну талкуулоонун жүрүшүндө ал экономика министринин орун басары Султан Ахматовго кайрылып, министрлик халал-продукциялар үчүн сертификаттарды береби деп тактады. Ахматов, мындай сертификаттоо чын эле жүргүзүлүп жатканын тастыктады.
Андан кийин депутат сертификаттарды алган компаниялар белгиленген стандарттарды бузган учурда кандай чаралар каралганын сурады. Кыргызстандарттын орун басар директору Абдыманап Карымшаков сертификаттоо процесси компаниялардан толук текшерүүлөрдү өтүүнү талап кыларын түшүндүрдү.
«Сертификат алгысы келген ар бир компания бардык зарыл процедураларды өтүшү керек. Эгер сертификат алгандан кийин талаптарды же милдеттерди бузса, ал мыйзам боюнча жоопкерчиликке тартылышы мүмкүн, анын ичинде укук коргоо органдары тарабынан чаралар көрүлүшү мүмкүн», — деп белгиледи Карымшаков.
