Бул боюнча «Газпром Кыргызстан» ОсООнун орун басары Арзымат Алдаяров газификация долбоору көп жылдан бери улантылып жатканын, мурун газ ушул түтүктөр аркылуу Казакстандан келгенин, азыр болсо Россиядан келип жатканын билдирди.
Энергетика министри Таалайбек Ибраев учурда Талас облусун газификациялоо мүмкүнчүлүгү каралып жатканын кошумчалады.
Ал Талас облусунан өлкөгө газ келе турган эң ири магистралдык линия өтүп жатканын белгиледи.
Мындан тышкары, Энергетика министрлигинин ишмердүүлүгү жана секторду өнүктүрүү боюнча келечектеги пландары тууралуу да талкуу болду.
