Экономика жана соода министри Бакыт Сыдыков бул мыйзам долбоорунун максаты республикалык жана жергиликтүү бюджеттердин каражаттарын мамлекеттик сатып алуулар процессинде натыйжалуу жана максатка ылайык пайдалануу экенин билдирди. Документте сунушталган өзгөртүүлөр бул процесстерди жөнөкөйлөтүүгө жана оптималдаштырууга багытталган.
Мыйзам долбоорунун алкагында мамлекеттик тапшырма түшүнүгү киргизилет, ал мамлекеттик сатып алууларда мамлекеттин негизги жана стратегиялык милдеттерин аткаруу үчүн колдонулат. Мамлекеттик тапшырманы аткаруу мамлекеттик заказчы менен аткаруучунун ортосундагы жарандык-укуктук келишим аркылуу жүргүзүлүшү сунушталууда.
