Атамбаев маданият министринин орун басары Марат Тагаевге бул объекттин учурдагы статусу тууралуу суроо берди.
Тагаевдин айтымында, ал бул маселени көзөмөлдөбөсө да, жалпы маалыматтарга ээ. Такталгандай, сөз болуп жаткан имарат мурда театр үчүн декорациялар даярдалган чарба короосу, бирок акыркы жылдары пайдаланылган эмес.
«Мамлекет бул имаратты кайра багыттоо чечимин кабыл алды. Шаардын борборунда Опера жана балет театры үчүн 25 сотых жер бөлүнгөн, ал жерде жаңы имарат куруу пландалууда», - деди орун басар министр.
Атамбаев ошондой эле бул жайдын мастерская гана эмес, гардероб катары да кызмат кылганын, ошондой эле театрдын башка муктаждыктары үчүн колдонулганын белгиледи. Ал имаратты балансынан чыгаруу чечими 30-январда кабыл алынганын жана театрдын жамаатынын нааразычылыгына карабастан, 10 күндүн ичинде аткарылышы керек экенин айтты. Депутат кесиптештерине жерине чыгып, кырдаал менен жакындан таанышууга сунуш кылды.
Министрдин орун басары бул имарат 2016-жылы ижарага берилгенин жана учурда абалы начар экенин кошумчалады. Ал кайрадан Опера жана балет үчүн жаңы имарат куруу пландалып жатканын тастыктады.
Өз кезегинде, Атамбаев кесиптештерине 13-февралга чейин объектти текшерүүгө барууну сунуштады.
Комитеттин төрайымы Токтобубу Ашымбаева бул маселени жыйындынын күн тартибине киргизүүнү сунуштады.
