Ал Бишкектеги батирлердин баасы дүйнөнүн алдыңкы шаарларынын баалары менен дээрлик теңешкенин белгилеп, калктын кирешелери ушундай бийиктикке жеттиби деп таң калганын айтты.
Борбиев ошондой эле: "Сиздер башка секторлордо баанын өсүшүн көзөмөлдөп жатасыздар, ал эми турак-жай маселесин чечүү үчүн эмне кыласыздар?" - деп сурады.
Жооп катары өкмөт башчынын орун басары Данияр Амангельдиев бул маселени парламент жана өкмөт тарабынан түзүлгөн биргелешкен комиссиянын алкагында карап чыгууга сунуштады. Бирок ал учурдагы баалар дагы эле көзөмөлдө экенин баса белгиледи.
“Мамлекет белгилүү тармактарда баанын кескин өсүшү учурунда кийлигишүүгө укуктуу. Бирок Госипотечная компаниясынын аракеттеринин аркасында турак-жайдын баасы туруктуу деңгээлде калууда. Эгер ГИК болбосо, турак-жайдын баасы кыйла жогору болмок, анткени Бишкекте жана башка ири шаарларда жер участкаларынын жетишсиздиги бар. Бир чарчы метр жердин баасы турак-жайдын баасына түздөн-түз таасир этет. Ошондуктан ГИК бааларды туруктуу кармап туруучу жөнгө салуучу ролун ойнойт”, - деп кошумчалады ал.
